फाकफोकथुममा ३५ दिनभित्र घटना दर्ता गराउनेलाई रकम – Balen Path
समाचार दशनामी समाज इलामको अध्यक्षमा तुलाराम पुरी अर्थ वाणिज्य कृषि ज्ञान केन्द्र इलामको बार्षिक स्वीकृत कार्यक्रम सार्वजनिक अर्थ वाणिज्य इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण Uncategorized इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण प्रदेश १ इलामका १५ कर्मचारी पुरस्कृत Uncategorized करेन्ट लागेर इलामका अमृतको मृत्यु प्रदेश १ कोशीका मुख्यमन्त्रीलाई पदमुक्त गर्न माग गर्दै सर्वोच्चमा एमालेको रिट प्रदेश कोशी प्रदेश सभा अनिश्चितकालका लागि स्थगित अर्थ वाणिज्य सहारा नेपालको आयोजनामा रोङमा कपुरधुप बनाउने तालिम सम्पन्न अर्थ वाणिज्य फिक्कलको पार्वती मेडिकोले बुझायो २ लाख जरिवाना
Balen Path menu advertisement

फाकफोकथुममा ३५ दिनभित्र घटना दर्ता गराउनेलाई रकम

  • प्रकाशित मितिः July 16, 2024
  • balenpath

फाकफोकथुम : इलामको पश्चिमी स्थानीय तह फाकफोकथुम गाउँपालिकाले ३५ दिन भित्रमा घटना दर्ता गराउनेलाई रकम प्रदान गर्ने भएको छ । पालिकाले कार्यविधि बनाएर रकम दिने भएको हो ।

बच्चा जन्मिएको ३५ दिन भित्र वडा कार्यालयमा जन्मदर्ता गर्नेलाई ३ हजार रुपैया र मृत्यु दर्ता गराउनेलाई ५ हजार प्रदान गरिने भएको हो । पालिकाको वडा नं ४ फुएतप्पामा गत साउन यता ३७ जनाले ३५ दिनभित्र जन्मदर्ता गराएको वडा सचिव सन्तोष खनालले जानकारी दिए ।

खनालका अनुसार १७ बालक र १५ बालिकाको जन्मदर्ता निधारित समयमा गरिएको हो । त्यसैगरी ३५ दिन भित्र मृत्यदर्ता गराउनेलाई समेत राहत रकम दिइने छ । समयमा मृत्युदर्ता गराउनेलाई ५ हजार रुपैया खर्च दिइने भएको हो ।

सो अनुसार वडामा गत साउन यता १८ जनाले समयमा मृत्यु दर्ता गराएका छन् । जसमा ११ महिला र ७ पुरुष रहेका छन् । वडा कार्यालयमा गत साउन यता १७ पुरुष र १२ महिलाको मृत्युदर्ता भएपनि समयमा गराउने १८ जनालाई मात्र राहत रकम दिइने भएको छ ।

पालिकाले गत बैशाख ११ गते कार्यपालिकाबाट कार्यविधि पारित गरेको छ । कार्यविधि राजपत्रमा प्रकाशित गर्न केही समय लाग्ने भएकाले जन्मदर्ता र मृत्युदर्ता गराउनेलाई असार मसान्त भित्रमा रकम प्रदान गरिसकिने वडाध्यक्ष पदम दलार्मी मगरले जानकारी दिए ।

त्यसैगरी सामाजिक सुरक्षा लाभग्राहीको मृत्यु भएमा वडाले समवेदना पत्र समेत दिने गरिएको मगरले जनाए ।

TOP