इलाम: ओलम्पिक डे २०२३ को अवसरमा इलाम सदरमुकामस्थित जिल्ला प्रहरी कार्यालयको कवर्डहलमा व्याडमिन्टन प्रतियोगिता सम्पन्न भएको छ । प्रतियोगिताको आज सम्पन्न फाइनल खेलमा खुला ए तर्फ फुर्तेम्वा शेर्पा र रेनिस सुनुवार प्रथम भए । यो जोडीले राजन दाहल र रोहन दासलाई पराजित गरेको हो । त्यस्तै खुला बि तर्फ सन्तोष राई र सन्देश राईको जोडी बोधराज वस्नेत र कमलश्रेष्ठलाई पराजित गर्दै विजेता वने । सुपर भेट्रानतर्फ दिलिप घिमिरे र सुभाष चिपालुको जोडी उत्कृष्ट रहयो । उनीहरुले इश्वर चिपालु र राजेन्द्र आचार्यलाई पराजित गरेका हुन् । महेश श्रेष्ठ र थेवा तामाङ लेखराज राई र देवेन्द्र सुनुवारलाई हराउदै भेट्रानतर्फ विजेता वने ।
बुधवार सुरु भएको प्रतियोगितामा विजेता तथा उपजिजेता खेलाडीहरुलाई आयोजक जिल्ला व्याडमिन्टन संघ इलामका अध्यक्ष हुकुमलाल थेवे, प्रमुख जिल्ला अधिकारी श्रवणकुमार पोख्रेललगायतले ट्रफी, मेडल र प्रमाण पत्र प्रदान गरे । समापन कार्यक्रमको अवसरमा वोल्दै संघका अध्यक्ष थेवेले जिल्लामा व्याडमिन्टन खेलाडी उत्पादनकालागि चा“डै प्रशिक्षणको व्यवस्था मिलाउने जानकारी दिए । इलाम नगरपालिकाका प्रमुख केदार थापाले हरेक खेलको विकासमा नगरपालिकाले सधै साथ र सहयोग गर्ने प्रतिवद्धता जनाए ।
