देउमाई नगरपालिकामा अनिश्चितकालको लागि लकडाउन र सिल – Balen Path
समाचार दशनामी समाज इलामको अध्यक्षमा तुलाराम पुरी अर्थ वाणिज्य कृषि ज्ञान केन्द्र इलामको बार्षिक स्वीकृत कार्यक्रम सार्वजनिक अर्थ वाणिज्य इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण Uncategorized इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण प्रदेश १ इलामका १५ कर्मचारी पुरस्कृत Uncategorized करेन्ट लागेर इलामका अमृतको मृत्यु प्रदेश १ कोशीका मुख्यमन्त्रीलाई पदमुक्त गर्न माग गर्दै सर्वोच्चमा एमालेको रिट प्रदेश कोशी प्रदेश सभा अनिश्चितकालका लागि स्थगित अर्थ वाणिज्य सहारा नेपालको आयोजनामा रोङमा कपुरधुप बनाउने तालिम सम्पन्न अर्थ वाणिज्य फिक्कलको पार्वती मेडिकोले बुझायो २ लाख जरिवाना
Balen Path menu advertisement

देउमाई नगरपालिकामा अनिश्चितकालको लागि लकडाउन र सिल

  • प्रकाशित मितिः July 12, 2024
  • balenpath

देउमाई: इलामको देउमाई नगरपालिकाले कोरोना संक्रमितहरुसंग सम्पर्कमा आएका व्यक्तिहरुको पिसिआर रिर्पोट नआउन्जेलसम्म लागि लकडाउन र सिल गर्ने निर्णय गरेको छ । कोभिड–१९ कोरोना रोकथाम तथा नियन्त्रण आपतकालिन समितिको बैठकबाट गए राती १२ बजेबाट लागु हुने गरी निर्णय गरिएको हो ।

भदौ ६ गते प्राप्त पिसिआर रिर्पोट अनुसार वडा नं ९ को जितपुर प्रहरी चौकीमा कार्यरत सुरक्षाकर्मी र राँके रवि सडक आयोजनामा कार्यरत कामदार कोरोना पोजेटिभ देखिएको थियो । उनीहरुसंग सम्पर्कमा आएकाहरुको रिर्पोट नआउन्जेल नगरपालिका भरी लकडाउन र केही क्षेत्रमा सिल गर्ने निर्णय भएको छ ।

नगरपालिकाले वडा नं १ को राँके बजार क्षेत्र, वडा नं ३ को गाग्रेभञ्ज्याङ देखि दक्षिण, वडा नं ७, ८ र ९ का सम्पुर्ण वडा सिल गर्ने निर्णय गरेको सुचना अधिकारी गोबिन्दराज बाँस्तोलाले जानकारी दिए । त्यसैगरी नगर क्षेत्रका सम्पुर्ण बजार बन्द गरिनेछ । देउमाई नगरपालिकाको वडा तथा अन्य शाखा कार्यालय, बैंक तथा वितिय संस्थाहरु लगायत सेवा प्रवाह गर्ने सम्पूर्ण क्षेत्रहरुमा अत्यावश्यक बाहेकका सेवाहरु पुर्ण रुपमा बन्द गरिएको छ ।

पशु, कृषिजन्य उपज ढुवानी, खाध्यान्न, निर्माण सामाग्री तथा अन्य अत्यावश्यक सामाग्री ढुवानीको लागि स्थानीय प्रहरीसंग समन्वय गरी साँझ ६ बजे देखि विहान ६ बजेसम्म मात्र गर्न पाइने छ । तोकिएको समय भन्दा बाहेक अन्य कुनै पनि किसिमको सवारी साधन आवतजावतमा पुर्ण रुपमा निषेध गरिएको बाँस्तोलाले जानकारी दिए । निर्णयको उल्लंघन गर्ने तथा तोकिएको मापदण्ड पालना नगर्ने व्यक्तिहरुलाई संक्रामक रोग ऐन २०२० बमोजिम कारवाही गर्ने निर्णय गरिएको छ ।

TOP