कृषिलाई प्राङ्गरिक गर्दै इलामका स्थानीय तह – Balen Path
समाचार दशनामी समाज इलामको अध्यक्षमा तुलाराम पुरी अर्थ वाणिज्य कृषि ज्ञान केन्द्र इलामको बार्षिक स्वीकृत कार्यक्रम सार्वजनिक अर्थ वाणिज्य इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण Uncategorized इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण प्रदेश १ इलामका १५ कर्मचारी पुरस्कृत Uncategorized करेन्ट लागेर इलामका अमृतको मृत्यु प्रदेश १ कोशीका मुख्यमन्त्रीलाई पदमुक्त गर्न माग गर्दै सर्वोच्चमा एमालेको रिट प्रदेश कोशी प्रदेश सभा अनिश्चितकालका लागि स्थगित अर्थ वाणिज्य सहारा नेपालको आयोजनामा रोङमा कपुरधुप बनाउने तालिम सम्पन्न अर्थ वाणिज्य फिक्कलको पार्वती मेडिकोले बुझायो २ लाख जरिवाना
Balen Path menu advertisement

कृषिलाई प्राङ्गरिक गर्दै इलामका स्थानीय तह

  • प्रकाशित मितिः July 12, 2024
  • balenpath


इलाम: पछिल्लो समय स्थानीय तहले खेती प्रणालीलाई प्राङ्गरिक बनाउन लागेका छन् । रासायनिक मल र विषादीले मानव स्वास्थ्य र माटो बिगार्ने बुझेपछि स्थानीय तहहरु प्राङ्गारिक खेतीतर्फ उन्मुख भएका हुन् ।

यहाँस्थित सूर्योदय नगरपालिका र देउमाई नगरपालिकामा प्राङगारिक खेती प्रणाली अपनाउन किसानलाई सूचित गरेसँगै व्यवस्था गर्दै आएका छन् । त्यसमा पनि पछिल्लो समय कृषि ज्ञान केन्द्रबाट प्राङ्गारिक खेतीका लागि रकम छुट्टिन थालेपछि अझै सहज भएको छ । यस वर्ष मात्र कृषि ज्ञान केन्द्रमार्फत रु एक करोड ७० लाख बजेट विनियोजन भएको छ ।

ती स्थानीय तहमा क्लष्टर छनोट गरेर कार्यक्रम कार्यान्वयन गरिने कृषि ज्ञान केन्द्रका निमित्त प्रमुख टोनी बर्देवाले बताए । यसका लागि ज्ञान केन्द्रले जैविक विषादी, जैविक मल बनाउने, गड्यौले मल उत्पादनको लागि गड्यौला पालन, भकारो सुधारमा सहयोग गरिरहेको बर्देवाले जानकारी दिए ।

सरकारले प्राङ्गारिक उपजको प्रमाणीकरण, प्राङ्गारिक उत्पादनको प्रशोधन, रासायनिक विषादीको प्रयोग नगरी गरिने उत्पादन र परम्परागत पद्धतिबाट हुने कृषि उत्पादनको प्रवद्र्धन गर्न बजेट विनियोजन गरेको हो ।

त्यसका लागि प्राङ्गारिक खेती पद्धतिको लागि सचेतना अभिवृद्धि गर्ने, प्राङगरिक उत्पादनका लागि आवश्यक सामग्रीमा सहयोग गर्ने, प्रविधि हस्तान्तरण गर्नेदेखि बजारीकरणसम्ममा सहयोग पुग्ने क्रियाकलाप सञ्चालन हुनेछन् । कार्यक्रम अन्तर्गत जैविक विषादी, जैविक मल बनाउने, भर्मिङ कम्पोष्ट मल उत्पादनको लागि गड्यौला पालन, भकारो सुधारमा सहयोग गरिने निमित्त प्रमुख बर्देवा बताउछन् ।

त्यस्तै उत्पादन विविधीकरण गर्ने, उत्पादित वस्तुको प्याकेजिङ लेवलिङ गरेर मूल्य अभिवृद्धि गरिनेछ । प्राङ्गारिक खेतीका लागि संरक्षित संरचनाभित्र बालीको उत्पादनका लागि नयाँ संरचना बनाउन सहयोग गर्ने, पुरानो संरचनालाई सुधार गर्नेदेखि खुला जमिनमा खेती गर्ने प्रणालीलाई समेत सहयोग गर्ने कार्यक्रम छन् । कार्यक्रम लागू भएको ठाउँमै बजार प्रवद्र्धनको केन्द्र बनाइने छ । सरलपाटिबाट

TOP