इलाममा सवारी साधनको नयाँ भाडादर निर्धारण – Balen Path
समाचार दशनामी समाज इलामको अध्यक्षमा तुलाराम पुरी अर्थ वाणिज्य कृषि ज्ञान केन्द्र इलामको बार्षिक स्वीकृत कार्यक्रम सार्वजनिक अर्थ वाणिज्य इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण Uncategorized इलामको जौवारीबाट ४ लाख बढीको भन्सार छलीको समान सशस्त्र प्रहरीद्धारा नियन्त्रण प्रदेश १ इलामका १५ कर्मचारी पुरस्कृत Uncategorized करेन्ट लागेर इलामका अमृतको मृत्यु प्रदेश १ कोशीका मुख्यमन्त्रीलाई पदमुक्त गर्न माग गर्दै सर्वोच्चमा एमालेको रिट प्रदेश कोशी प्रदेश सभा अनिश्चितकालका लागि स्थगित अर्थ वाणिज्य सहारा नेपालको आयोजनामा रोङमा कपुरधुप बनाउने तालिम सम्पन्न अर्थ वाणिज्य फिक्कलको पार्वती मेडिकोले बुझायो २ लाख जरिवाना
Balen Path menu advertisement

इलाममा सवारी साधनको नयाँ भाडादर निर्धारण

  • प्रकाशित मितिः July 16, 2024
  • balenpath

मेची राजमार्गसहित इलाम जिल्लाका एक सय ४३ सडकमा सञ्चालन हुने सवारी साधनको नयाँ भाडादर निर्धारण गरिएको छ । अत्यधिक रूपमा भाडादर वृद्धि भएको गुनासो आउन थालेपछि जिल्ला प्रशासन कार्यालय इलामको पहलमा मेची राजमार्ग र अन्य सहायक मार्गमा सञ्चालन हुने सवारी साधनको नयाँ भाडादर कायम गरिएको हो ।

मेची राजमार्गको इलाम–बिर्तामोड र इलाम–फिदिम रुटमा २२ प्रतिशत तथा जिल्लाका अन्य सहायक सडकमा सञ्चालन हुने सवारी सानमा १५ प्रतिशतले भाडादर वृद्धि गरिएको छ । मेची राजमार्गमा नयाँ भाडादर सोमबारबाट नै लागु भएको छ भने अन्य सडकको एक महिनापछि भाडादर पुनरावलोकन गरिने बताइएको छ ।

सडकको अवस्था अध्ययन गरी अन्य सडकको भाडादर पुनरावलोकन गरिने इलामका प्रमुख जिल्ला अधिकारी माधवप्रसाद ढुङ्गानाले जानकारी दिनुभयो । अब इलाम–बिर्तामोडको भाडा ४ सय ३० र इलाम–फिदिमको भाडा ४ सय ८ रुपियाँ कायम भएको छ । यसअघि व्यवसायीले इलाम बिर्तामोड र इलाम फिदिमको भाडा ५०० बढी मनलाग्दो ढङ्गले लिदैआएका थिए । कोरोना जोखिमको समयदेखि व्यवसायी मनपरी ढङ्गले यात्रुबाट भाडा असुल्दैआएका थिए ।

स्थानीय यातायात व्यवस्थापन समितिको बैठकले २०७८ असोज १८ मा तोकेको भाडदारलाई आधार बनाएर नयाँ भाडादर समायोजन गरेको प्रजिअ ढुङ्गानाले जानकारी दिनुभयो । यसअघि तोकिएको आधिकारिक भाडादरअनुसार इलाम–बिर्तामोडको ३ सय ५३ र इलाम–फिदिमको ३ सय ३५ रुपियाँ थियो ।

समिति संयोजक तथा प्रमुख जिल्ला अधिकारी ढुङ्गानाले नयाँ भाडादरभन्दा बाहिर गएर भाडा असुल्ने सवारीचालक र सवारीलाई कारबाही गरिने बताउनुभयो । उहाँले भन्नुभयो

‘सर्वपक्षीय छलफलबाट नयाँ भाडादर कायम गरिएको हो, अब कार्यान्वयनमा सबै पक्ष लाग्नु पर्छ ।’ मूल्यवृद्धि जिल्लाका सडकको अवस्था र सङ्घीय सरकारले तोकेको भाडदारलाई मध्यनजर गरी समितिले भाडादर कायम गरेको जनाएको छ ।

मेची राजमार्ग बाहेकका अन्य सडकमा पहिले भाडा निर्धारण गर्दा कच्ची रहेका सडक अहिले ग्राभेल वा पक्की बनेको हुनसक्ने र स्थानीय तहले निर्माण गरेका नयाँ सडक समेत थप भएकाले उक्त सडकको अध्ययन गरेपछि मात्रै भाडा कायम हुने समितिले जनाएको छ ।

जिल्लाका कच्ची सडकमा व्यवसायीले मनपरी भाडा असुल्दै आएका छन् । जिल्लाका ग्रामीण सडक हिलाम्मे हुने भएकाले यात्रुले जति पनि भाडा तिर्न बाध्य हुँदैआएका थिए । चाडबाडको समयमा व्यवसायीले आफूखुसी भाडा वृद्धि गर्ने गरेका छन् ।

TOP